Rusiya pandemiya dövründə təmas xətlərində hər hansı hərəkətlərdən çəkinmək üçün NATO-ya çağırış etmişdi. Amma təlimlər davam edir və Moskva da buna reaksiya verməli, silahını daim əlində hazır vəziyyətdə tutumalıdır.

Axar.az xəbər verir ki, bunu Rusiya Təhlükəsizlik Şurası sədrinin müavini Dmitri Medvedyev deyib.

“Hər bir ölkə kimi bizim də daxili problemlərimiz var. Amma xarici problem də kifayət qədərdir. Baxın, SSRİ-nin çökməsindən sonra nələr baş verdi. 90-cı illərdə biz NATO ilə əməkdaşlıq qurmağa can atırdıq. Hətta bir müddət Şimali Atlantika blokuna üzv olmaq üçün də danışıqlar aparırdıq. Amma bizə dedilər ki, siz orda lazım deyilsiz, bizim öz prioritetlərimiz var”, - Medvedyev bildirib.