Ermənistan Rusiya ilə hərbi tərəfdaşlığını yeni milli təhlükəsizlik strategiyası çərçivəsində davam etdirəcək.

Axar.az xəbər verir ki, bu barədə məlumat Ermənistan hökumətinin saytında yer alıb.

“Ermənistan Rusiya ilə hərbi-siyasi, hərbi və hərbi-texniki tərəfdaşlığı müdafiə və təhlükəsizlik sferasında həm ikitərəfli, həm də çoxtərəfli formatda, o cümlədən kollektiv müdafiə potensialını genişləndirmək və müttəfiqlik münasibətlərini davamlı gücləndirmək istiqamətində inkişaf etdirməyə davam edəcək”, – deyə sənəddə bildirilib.

Sənəddə, həmçinin İrəvanın KTMT çərçivəsindəki birgə təşəbbüslərdə aktiv iştirak etdiyi qeyd edilib.

Yeni sənəddə Ermənistanın ABŞ-la tərəfdaşlığı inkişaf etdirməyə və strateji dialoqu dərinləşdirməyə davam etdirmək niyyətində olduğu qeyd edilib.