Gürcüstan Ukraynaya nota verib.

Axar.az xəbər verir ki, Gürcüstanın Ukraynadakı diplomatik nümayəndəsi David Boçorişvili bu ölkənin XİN rəhbərinin müavini ilə görüşündə Tiflisin notasını çatdırıb.

Notada Tiflis Ukrayna Milli İslahatlar Şurasının İcraiyyə Komitəsinin sədri Mixail Saakaşvilinin Gürcüstanla bağlı bəyanatına etiraz edib.

Qeyd edək ki, Saakaşvili Gürcüstan hakimiyyətinin qeyri-legitim olduğunu bildirmişdi. Bunun ardınca Ukraynanın Tiflisdəki səfiri Gürcüstan XİN-ə çağırılaraq, ona etiraz edilmişdi.