Türkiyə Kürdüstan bölgəsinin mərkəzi Ərbildən sonra Süleymaniyədə konsulluq açacaq.

Axar.az xəbər verir ki, Kürdüstan Vətənpərvərlər Birliyinin (KYB) Türkiyə nümayəndəsi Behroz Qalali razılığın əldə olunması üçün Türkiyə Xarici İşlər naziri Mövlud Çavuşoğlunun KYB baş katibi Cəlal Talabani ilə görüşəcəyini açıqlayıb.

KYB-nin rəsmi orqanı "Kürdüstan-i New" qəzetinin xəbərinə görə, Çavuşoğlunun ziyarətindən sonra konsulluq açılacaq.

Bildirək ki, ekspertlərin fikrincə, İrana yaxınlığıyla tanınan KYB rəhbərliyi bu addımla Ankara ilə əlaqələri inkişaf etdirmək istəyir.

Rudav-ın məlumatına görə, türkiyəli nazirin bölgəyə səfəri yaxın vaxtlarda reallaşacaq. Səfər çərçivəsində nazirin Bağdad və Ərbilə səfər edəcəyi gözlənilir.

Xatırladaq ki, Kürdüstan bölgəsinin İranla 5, Türkiyə isə 1 sərhəd qapısı var.