1959-cu ildə Şimali Uraldakı Dyatlov keçidində turistlərin ölümünə qar uçqunu səbəb olub.

Axar.az xəbər verir ki, bunu Rusiya Baş Prokurorluğunun Ural Federal Dairəsi İdarəsinin rəis müavini Andrey Kuryakov deyib. O bildirib ki, turistlərin ölüm səbəbini müəyyənləşdirmək üçün təcrübə aparılıb.

Çadırı tərk edən turistlərin bir müddət sonra çovğun səbəbindən yollarını azdığını və ocaq qalayıb istirahət ediyini bildirən rəis müavini 9 gəncin yenidən yola davam etdiyini və bir qisminin qar uçqununa düşdüyünü söyləyib.

Kuryakov turistlərin bir qisminin isə şaxta səbəbindən öldüyünü qeyd edib.