Rusiya Xarici İşlər naziri Sergey Lavrov Türkiyəyə xəbərdarlıq edib.

ANS-in məlumatına görə, Lavrov bildirib ki, Türkiyənin nümayəndə heyəti Ukraynadan Krıma səfər edə bilməz.

"Bizim Türkiyə nümayəndə heyətinin Krıma səfərinə münasibətimiz çox yaxşıdır. Amma bu ziyarət Ukrayna ərazisindən həyata keçirilməməlidir. Krım respublikasına səfər etmək üçün Rusiyanın müvafiq orqanlarına müraciət edilməlidir", - deyə Sergey Lavrov bildirib.

Nazir onu da bildirib ki, bu məsələdə Rusiyanın mövqeyi Türkiyə tərəfinə çatdırılıb: "Əgər Türkiyə tərəfi həqiqətən Krımda yaşananları görmək istəyirsə, mütləq bizim təklifimizi qəbul etməlidir".