"Müxtəlif istiqamətlərdən araşdırmalar aparılır. Terrorçuların ölkə xaricində bəzi təmasları olub. Harda olurlar olsunlar, onlara mütləq əlimiz çatacaq. 50-yə yaxın saxlanılan var. Şəhid prokurorun qətlinə səbəb verənlər mütləq hesab verəcək".

Axar.az xəbər verir ki, bu sözləri Türkiyənin Baş naziri Əhməd Davudoğlu jurnalistlərin suallarını cavablandırlarkən deyib. Baş nazirin sözlərinə görə, təhlükəsizliklə bağlı bəzi tədbirlər görülməlidir. Prokuror Məhmət Səlim Kirazın başına silah dayamış halda şəklinin yayımlanmasına etiraz edən Davudoğlunun fikrincə, belə açıq şəkildə vermək olmaz:

"Onun ailəsi var. Bu şəkil onlara necə təsir edir? Mətbuat bizi tənqid etməkdən qabaq bir öz vicdanlarına sual versinlər. Tam bir məsuliyyətsizlikdir".