İranın İdman nazirinin müavini Əbdülhəmid Əhmədi qadınların idman müsabiqələrində tamaşaçı kimi iştirak etməsinə olan qadağanın qismən aradan qalxdığını bildirib. 

Musavat.com-un məlumatına görə, Ə.Əhmədi İran Təhlükəsizlik Şurasının bu barədə qərar qabul etdiyini qeyd edib. 

İdman nazirinin müavini həmçinin bildirib ki, bu qərar qadınların matçların oynandığı bütün stadionlara gəlməsi üçün keçərli deyil.  

Qeyd edək ki, iyun ayında İranda bir stadionun qarşısında qadınlara qoyulan idman qadağalarına görə aksiya təşkil olunmuşdu.