Bəzi ölkələr çevrilişə cəhdin uğursuz olmasından sonra xaricə qaçan FETÖ üzvlərinə sığınacaq verdi.

Axar.az xəbər verir ki, bunu Türkiyə Prezidentinin sözçüsü İbrahim Qalın deyib. O bildirib ki, bu ölkələr, məsələn, İŞİD terrorçularına bunu etməzdi:

“Çox təəssüf ki, FETÖ üzvlərinə sığınacaq verdilər. Türkiyə PKK, İŞİD kimi FETÖ terror təşkilatı ilə də mübarizə aparır. NATO və müttəfiq ölkələrdən bu terror təşkilatı ilə mübarizəyə dəstək vermələrini gözləyirik. Çox təəssüf ki, NATO-dakı bəzi müttəfiqlərimiz, Avropa ölkələri və ABŞ 15 iyulda baş verən hadisələrin ciddiliyini, eyni zamanda buna qarşı apardığımız tədbirləri anlamış deyillər”.