Ana səhifə Planet |
Abxaziya konflikti zamanı Gürcüstana qarşı savaşan çeçen səhra komandiri Şamil Basayev konfliktdən sonra Rusiya kəşfiyyatı ilə əməkdaşlıq edib.
Axar.az xəbər verir ki, bunu Rusiya Federal Təhlükəsizlik Xidmətinin keçmiş rəhbəri Sergey Stepaşin Yutubdakı “Redaksiya” kanalına müsahibəsi zamanı deyib.
“Basayev peşəkar terrorçu idi və hətta sovet hakimiyyəti zamanı təyyarə ələ keçirmişdi. Yeri gəlmişkən, onun “Abxaziya” batalyonu vardı, hansı ki, 1992-ci ildə Gürcüstanla savaşda iştirak etmişdi. Mərhum Ardzinba onu “Abxaziya qəhrəmanı” qızıl ulduzuna layiq görmüşdü. O zaman bizim yoldaşlardan bir qismi onunla çalışırdı. Lakin bu şəxslər Federal Təhlükəsizlik Xidmətindən deyildilər”, – deyə o bildirib.
Stepaşin Basayevin əməkdaşlığa 1992-ci ildə Gürcüstanda cəlb edildiyini söyləyib.
Qeyd edək ki, Basayev 2006-cı ildə Rusiya tərəfindən qətlə yetirilib.
Tarix
2020.07.15 / 12:54
|
Müəllif
İlkin Həsənov
|