Rusiyanın Omsk vilayətindən olan Vladimir Besxlebnıy adlı 72 yaşlı əlil təqaüdçüyə qarşı ekstrimist birlik yaratmaqla bağlı cinayət işi açılıb.

Axar.az xəbər verir ki, təqaüdcü SSRİ-nin süqutunu inkar edərək, özünün Rusiya Sovet Federativ Sosialist Respublikasının Xalq Deputatları Şurasının İcraiyyə Komitəsinin sədri olduğunu deyib. Məhz buna görə onun 5 tərəfdarının evində, eləcə də təşkilatın iki ofisində yoxlamalar aparılıb.

Rusiya Federal Təhlükəsizlik Xidməti təqaüdçünün ölkədə hakimiyyəti silah yoluyla tutmaq hazırlığında olduğunu bildirib.

Omsk Mərkəzi Məhkəməsi təqaüdçünü artıq ev həbsinə məhkum edib.