Pakistanın şimal-qərbindəki Haybər Pahtunhva əyalətində yerləşən Çarsadda mahalında bir evə qanlı hücum olub.

Axar.az xəbər verir ki, hücumda eyni ailədən olan 10 nəfər öldürülüb.

Çarsaddanın Tanqi bölgəsinin polis şefi Qohar Xan açıqlama verərək silahlının səhərə yaxın evə girərək atəş açdığını, həlak olanlar arasında qadın və uşaqların da olduğunu bildirib.

Hücumu reallaşdıran adamın daha əvvəl atasını və bacısını öldürdüyü üçün axtarışda olduğunun müəyyənləşdirildiyini bildirən Xan həmin şəxsin əmisi qızı ilə nişanlı olduğunun, ancaq əmisi tərəfindən nişanının pozulduğuna görə belə addım atdığı qeyd edilib.

Cinayətkarın tapılması üçün axtarışların başladığı bildirilib.