Türkiyə ilə münasibətimizdə nüanslar, çətinliklər və fərqli qiymətləndirmələr olsa da, Suriyanın gələcəyi ilə bağlı həmfikirik.

Axar.az xəbər verir ki, bunu Rusiya Xarici İşlər nazirinin müavini Aleksandr Qruşko deyib. O bildirib ki, Suriyanın hazırkı sərhədləri daxilində bölünməz bir ölkə olması mövzusunda da Rusiya və Türkiyə eyni fikirdədir:

“Bu çox vacib məsələdir. Bütün fikir ayrılıqlarına baxmayaraq, razılığa gələ bilirik. Bəli, Rusiya və Türkiyənin əsasən Orta Şərqdə müxtəlif maraqlardan çıxış etdiyini qəbul edirik. Ancaq xüsusilə Rusiya və Türkiyənin İranla birgə bu gün Suriyada sabitliyi təmin edən “Astana” formatını yaratdığını da unutmamalıyıq”.