İran Prezidenti Həsən Ruhaninin rusiyalı həmkarı Vladimir Putinlə telefon danışığı olub.

Axar.az xəbər verir ki, bu barədə İran Prezident Administrasiyası məlumat yayıb.

Telefon danışığı zamanı Ruhani “Astana” zirvəsinə toxunub:

“Üç ölkənin, xüsusən də humanitar məsələlərdə qarşıya qoyulan məqsədlərə çatması üçün Astana prosesinin davam etdirilməsi vacibdir”.

Ruhani eyni zamanda, nüvə razılaşmasının qorunmasının və ABŞ-ın İrana qarşı silah embarqosunun uzadılması ilə bağlı cəhdlərinə qarşı çıxmağın vacibliyini vurğulayıb.

Putin isə öz növbəsində nüvə razılaşmasını dəstəklədiyini bildirib.

Rusiya lideri, həmçinin İranın beynəlxalq mövqeyini dəstəkləməyə davam edəcəklərini vurğulayıb.