Rusiyanın koronavirus peyvəndinin istehsal texnologiyası Qərbdəki analoqlarından üstündür və patenti alınıb.

Axar.az xəbər verir ki, bu sözləri Rusiyanın Qamaley Milli Epidemiologiya və Mikrobiologiya Araşdırma Mərkəzinin direktoru Aleksandr Ginzburq deyib.

O, lazım gələndə bu texnologiyanı digər ölkələrlə də paylaşmağa hazır olduqlarını bildirib:

“Heç bir alim Rusiyanı peyvənd məsələsində oğurluqda ittiham etməyib. Onlar bunun tamamilə səfehlik və siyasi hərəkat olduğunu anlayırlar”.

Qeyd edək ki, Britaniyanın Milli Kibertəhlükəsizlik Mərkəzi Rusiya ilə əlaqəli hakerlərin ABŞ, Kanada və Böyük Britaniyada koronavirus peyvəndi ilə bağlı aparılan araşdırma məlumatlarını ələ keçirdiyini bildirmişdi.