Rusiyaya məxsus gəmiləri izləyən İngiltərə nüvə başlıqlı HMS Talent sualtı gəmisi aysberqlə toqquşub. Suyun üzərinə çıxmaq istəyən gəminin üst hissəsi yarasız hala düşüb.

Axar.az xəbər verir ki, "The Mail" qəzetinin iddiasına görə, dəyən zərərin miqdarı 500 min sterlinqdir.

İngiltərə Müdafiə Nazirliyində olan qaynaqların qəzetə verdiyi bilgidə hadisənin nə zaman və harada baş verdiyi dəqiq deyilmir, gizli saxlanılır. 5300 ton ağırlığındakı sualtı gəminin hələ bir neçə ay limanda təmir olunacağı vurğulanır.

Xatırladaq ki, İngiltərə Müdafiə naziri Maykl Fellon fevral ayında verdiyi açıqlamada Rusiyanın Baltik ölkələri üçün təhdid yaratdığını, mütəmadi olaraq sərhəd sularının yoxlandığını demişdi. Nazir La-Manş boğazından Rusiya reaktivlərinin keçməsini, Şimal dənizində naməlum sualtı gəmilərin ortaya çıxdığını iddia etmişdi.