ABŞ-ın Şimali Karolina əyalətinin Çapel Hil qəsəbəsində üç müsəlman gənci öldürməkdə günahlandırılan Kreiq Stefen Hiksin məhkəməsi başlayıb.

Axar.az xəbər verir ki, 46 yaşlı Hiksin edam cəzası ilə cəzalandırılmasına qərar verilib.

Durham şəhərində baş tutan məhkəmədə şəhər prokurorluğu cinayətdə günahlandırılan Hiks üçün edam tələb edib. Prokuror Cim Dornfrid məhkəmədə təqdim etdiyi dəlillərin Hiksin edam cəzası ilə mühakimə olunması üçün kafi olduğunu bildirəndən sonra Ali Hakim Orlando Hudson müsəlman gənclərin qatilinin edam edilməsinə qərar verib.

Xatırladaq ki, bu il fevralın 10-da Şimali Karolina əyalətindəki Çapel Hill qəsəbəsində 23 yaşlı tələbə Deh Barakat, onun 21 yaşlı həyat yoldaşı Yusor Məhəmməd əbu Salha və 19 yaşlı baldızı Razan Məhəmmədi başlarından vuraraq öldürən Hiks 3 maddə ilə günahlandırılaraq həbs olunmuşdu.