Ana səhifə Planet |
MDB-nin vahid raketdən müdafiə sistemlərinin tərkibinə 80 bölmə daxildir.
Axar.az xəbər verir ki, bu açıqlama ilə Rusiya Hərbi Kosmik Müdafiə Qüvvələrinin Qərargah rəisi Pavel Kuraçenko çıxış edib.
Onun sözlərinə görə, hazırda bu sistemin tərkibində 21 aviasiya, 41 zenit raket qüvvələri, 21 radiotexniki qüvvələr hissəsi və 2 radioelektron mübarizə batalyonu var. Kuraçenko hələ ki, bu sistemi genişləndirmək fikrinin olmadığını bildirib.
Qeyd edək ki, MDB-nin vahid raketdən müdafiə sistemi 1995-ci ildən yaradılıb. Yaradılan zaman sistemə 9 dövlət daxil idi. Bunların sırasında Rusiya, Ermənistan, Ukrayna, Belorus, Tacikistan, Qırğızıstan, Türkmənistan, Qazaxıstan, Özbəkistanın adları yer almışdı. Sistemə daxil olmayan yalnız Azərbaycan, Gürcüstan və Moldova olmuşdu. 2005-ci ildə raketdən müdafiə sistemi bölmələrinin arsenalında "Osa", "Buk", "C-75", "C-125", "C-200", "C-300" zenit raket kompleksləri və "MiQ-23", "MiQ-29", "MiQ-31", "Su-27" hərbi təyyarələri yer almışdı.
Tarix
2015.04.07 / 21:32
|
Müəllif
İlkin Həsənov
|