Almaniyanın şərqində yerləşən Tröglitz şəhərində əcnəbiləri yerləşdirmək üçün nəzərdə tutulan binanın yandırılmasından sonra vəziyyət kəskinləşib.

Axar.az xəbər verir ki, neonasistlər əcnəbilərin şəhərdə məskunlaşmasının qarşısını almaq üçün dövlət rəsmilərini təhdid etməyə başlayıblar. Məhz bu təhdidlərdən sonra şəhərin bələdiyyə başçısı istefa vermək məcburiyyətində qalıb. Lakin nasistlər bununla yetinməyiblər.

Şəhərin icra nümayəndəsi Götz Ulriç neonasistlərdən ölüm məktubları aldığını bildirib. O, başının kəsilməsi ilə təhdid edildiyini açıqlayıb.

Qeyd edək ki, aprelin 3-dən 4-ə keçən gecə Tröglitz şəhərində qaçqınları yerləşdirmək üçün nəzərdə tutulan bina yandırılıb. Hadisəni törədənlər isə hələ tutulmayıb. Hüquq mühafizə orqanları hadisənin irqçilik zəminində baş verdiyini açıqlayıblar.