"Yunanıstan Baş naziri Aleksis Tsipras Moskvada AB-nin maraqlarına zərbə vuracaq müqavilələr imzalasa, 2 həftə ərzində devriləcək".

Axar.az xəbər verir ki, bu barədə Rusiyanın "Kommersant" qəzeti yazıb. Qəzet Tsiprasın sabah Moskvaya 4 günlük rəsmi səfər edəcəyini və Rusiya Prezidenti Vladimir Putinlə ikitərəfli görüşlər keçirəcəyini yazıb.

Tsiprasın Putindən təbii qazın qiymətində endirim etməsini xahiş edəcəyi və Yunanıstana kredit verilməsi məsələsini gündəmə gətirəcəyi bildirilir.

Kremlə yaxın bir qaynaq "Kommersant" qəzetinə açıqlamasında Rusiya hökumətinin də bu məsələlər barədə danışığa hazır olduğunu qeyd edib.

Yunanıstanın müdafiə nazirinin müavini Kostas İsihos isə Rusiya ilə AB-ni barışdırmağa çalışacaqlarını bildirib.