"Dünya Krım Tatarları Konqresi nümayəndələrinin Rusiya hakimiyyətinin nəzarəti altında olan yarımadaya qayıtması ilə bağlı çətinliklər var".

Axar.az xəbər verir ki, bunu Krım tatarlarının lideri Mustafa Cəmilov söyləyib.

O, işğalçı hakimiyyətin nəyə qadir olduğunun deyə bilmədiyini qeyd edib:

"Təbii ki, təhlükə var. Biz işğalçı hakimiyyətin nəyə qadir olduğunu deyə bilmərik. Lakin buna baxmayaraq, öz fəaliyyətimizi davam etdirməliyik. Əgər müdaxilə edilsə, bizim tərəfdən də müəyyən tədbirlər həyata keçiriləcək".

Qeyd edək ki, iyulun 31-dən avqustun 2-dək Türkiyədə Dünya Krım Tatarları Konqresinin keçirilməsi planlaşdırılır.