"Rusiya Türkmənistanda radikal islamçıların mövqeyi güclənəcəyi halda hərbi müdaxilə edə bilər".

Axar.az xəbər verir ki, bu açıqlama ilə Rusiya ordusunun ehtiyatda olan general-leytenantı Leonid Reşetnikov çıxış edib.

Onun sözlərinə görə, Rusiya Ukrayna hadisələri ucbatından Mərkəzi Asiyadakı islam ekstremizmi təhdidini gözdən qaçırdır:

"Bu bizim ölkə üçün təhlükəli tendensiyadır. Hazırda Tacikistanda situasiya çox çətindir. Həmçinin Qırğızıstanda da situasiya qeyri-stabildir. Amma islamçıların ilk hədəfi məhz Türkmənistan ola bilər. ABŞ qoşunları yaxın zamanda Əfqanıstandan çıxacaq. Bu isə bölgə üçün təhdiddir. Bunların hamısı ABŞ tərəfindən Rusiyaya qarşı təzyiqlərin artırılması üçün nəzərdə tutulub".