Türkiyədə iğtişaşlarda öldürülən Berkin Elvanın işi prokuror Rasim İşıkaltının icraatına verilib.

Axar.az-ın xəbərinə görə, əvvəlki prokuror Səlim Kirazın radikal sol təşkilatı tərəfindən girov götürülərək öldürülməsindən sonra bu riskli cinayət işini kimin araşdıracağı sual altında idi.

R.İşıkaltın Türkiyədə məşhur prokurordur. Təqaüd yaşına çatan prokurorun bu işi tərəddüdlə və ürəksiz götürdüyü qeyd edilir. O, Tayyib Ərdoğan İstanbul bələdiyyə başqanı olduğu dövrdə indiki prezidentə cinayət işi açan prokurorlardan biri olub.

Qeyd edək ki, İnqilabçı Xalq Qurtuluş Partiyası - Cəbhəsi (DHKP-C) Elvanın ölümündə təqsirli bilinən polislərin cəzalandırılmasını tələb etmişdi. Əks halda, işi araşdıran prokurorun öldürüləcəyini bəyan etmişdi.