"NATO qüvvələrinin Rumıniyada yerləşdirilməsi ilə bağlı Rusiyanın mövqeyi əsassızdır".

Axar.az xəbər verir ki, bu açıqlama ilə NATO rəsmi nümayəndəsinin müavini Karmen Romero çıxış edib. Onun sözlərinə görə, Rusiyanın etdiyi çıxışlar provokativ xarakter daşıyır:

"Rusiya Ukraynaya girməklə beynəlxalq qanunvericiliyi pozub. Bir daha qeyd edirəm ki, NATO müdafiə ittifaqıdır və o öz aktına sadiq qalır".

Qeyd edək ki, bir müddət öncə Rusiya Xarici İşlər Nazirliyi NATO qüvvələrinin və texnikasının Rumıniyada yerləşdirilməsinin Avropada stabilliyi pozacağını bildirmişdi.