"Saakaşvili ölkəni idarə edən zaman Vahid Milli Hərəkat Partiyası 12 kriminal avtoritetin sərhədi keçməsinə şərait yaratmışdı".

Axar.az xəbər verir ki, bu açıqlama ilə Gürcüstanın Daxili İşlər nazirinin müavini Arçil Takalvadze çıxış edib.

O, Tiflisin "qanuni oğrular"ı himayə etmədiyini bildirib:

"Məndə onların 12 nəfər qanuni oğruya himayədarlıq etməsi ilə bağlı sənəd var. Ancaq indi onların adını çəkə bilmərəm".

Qeyd edək ki, bir müddət öncə Vahid Milli Hərəkat Partiyası Ukraynadan Gürcüstana ekstradisiya olunan Mindiyi Qoradzenin (Lavasoğlu Batumski) Tiflisə gəldikdən sonra ölkə xaricinə göndərildiyini bildirmişdi. Partiya həmçinin qanuni oğruların Energetika və Təbii Sərvətlər naziri Kaxa Kaladze tərəfindən himayə olunduğunu bildirmişdi.