"Bizim inanc nöqtəmizdəki gələcəyi nə şiəlik, nə də sünnilik müəyyən edəcək".

Axar.az xəbər verir ki, bu açıqlama ilə Türkiyə Prezidenti Rəcəb Tayyib Ərdoğan çıxış edib.

O, islam ümmətinin parçalanma ərəfəsində olduğunu bildirib:

"Əgər məzhəb anlayışını başqa bir məzhəbə doğru istiqamətləndirmiş olsanız, o zaman islam ümmətini parçalayacaqsınız. Bu gün islam dünyası bölünmək riski ilə qarşı-qarşıyadır. Bunu dayandırmaq lazımdır. Amma əgər kimlərsə daha çox silah satmaq məntiqi ilə hərəkət edirsə, onda bu işi həll etmək mümkün olmayacaq. Bu dəqiqə silah alveri üçün çalışanlar var. Bunun qarşısının alınması üçün fəaliyyət göstərməyimizi istəyirəm. Səudiyyə Ərəbistanı səfərindən sonra bu işi daha effektli etməyə çalışacağam".

Prezident həmçinin "erməni soyqırımı"na görə ASALA-nın dünyanı təhdid etməsinə də aydınlıq gətirib:

"Bu ilin mesajını biz aprelin 23-də İstanbulda keçiriləcək "Sülh zirvəsi"ndə verəcəyik. İlk gün İstanbulda, ardınca isə səhəri gün Çanaqqaladakı şəhidlikdə öz vəzifəmizi yerinə yetirəcəyik. 3-cü gün isə Avstraliya və Yeni Zelandiya rəhbərləri burada şəfəq ayini edəcəklər. İndi isə ASALA hamıya yönəlib, buraya gələcək ölkələrə təhdid yağdırır. Kimin nədən narahat olduğu aydındır. Onların arxasında kimlərin olduğu da ortaya çıxacaq".