Rusiya Prezidenti Vladimir Putin Yunanıstanın Baş naziri Aleksis Çiprasın ondan heç bir maliyyə yardımı istəmədiyini söyləyib.

Axar.az xəbər verir ki, Prezident Putin bu sözləri Kreml sarayında Yunanıstanın Baş naziri Aleksis Çiprasla baş tutan görüşündən danışarkən deyib. O bildirib ki, bu danışıqlarda yalnız çoxşaxəli iqtisadi əlaqələrdən söhbət açılıb.

Rusiya ilə Yunanıstan arasındakı ticarət əlaqələrinin 2014-cü ildə 5 milyard dollardan çox olduğunu, lakin sanksiyalar səbəbi ilə 40 faiz azaldığını qeyd edən Putin görüşün bu əsnada aparıldığını deyib.

Putin vurğulayıb ki, bu problemləri həll etmək üçün sanksiya döyüşünə son qoymaq lazımdır.