Litva Rusiyanın RTR-Planeta kanalının yayımını dayandırıb.

Axar.az xəbər verir ki, buna səbəb kanalın Ukraynaya müdaxiləni təbliğ etməsidir.

Litva Radio və Televiziya Komissiyasından verilən açıqlamaya görə, RTR-Planeta kanalı Ukraynaya qarşı nifrət və təhrikedici proqramlara yer verməklə Avropa Komissiyası Məlumatlandırma Qanununu kobud şəkildə pozub.

Bundan başqa, komissiya martın 12-də kanalda yayımlanan "Bazar axşamı" proqramında Rusiya Dumasının üzvü Vladimir Jirinovskinin Ukrayna xalqına qarşı düşməncəsinə rəftar göstərdiyini və ölkənin ərazi bütövlüyünə qarşı aşağılayıcı sözlər dediyini bildirib.