Ana səhifə Planet |
"Dnesteryanına qarşı hazırda iqtisadi müharibə aparılır".
Axar.az xəbər verir ki, bu açıqlama ilə qondarma Dnesteryanı separatçılarının rəhbəri Yevgeni Şevçuk çıxış edib. Onun sözlərinə görə, məhz iqtisadi blokada qondarma rejimin gəlirlərini xeyli azaldıb:
"Biz Dnesteryanına qarşı bu blokadanın sonlandırılmasını vacib hesab edirik. Bizim Kişinyov və Kiyevdəki həmkarlarımız birtərəfli addım ataraq, iqtisadiyyatımızın pisləşməsinə şərait yaradırlar".
Qeyd edək ki, Dnesteryanı 1992-ci ildə Rusiyanın hərbi dəstəyi sayəsində Moldovadan ayrılmışdı. 2006-cı ildən bu yana Ukrayna və Moldova bu separatçı rejimə qarşı iqtisadi blokada tətbiq edirlər. Bir müddət öncə Rusiyanın Ukraynanın şərq ərazilərinə hərbi müdaxiləsi Dnesteryanıya qarşı iqtisadi blokadanın şiddətlənməsinə səbəb olub.
Tarix
2015.04.10 / 09:35
|
Müəllif
İlkin Həsənov
|