Türkiyə Prezidenti Rəcəb Tayyib Ərdoğan Ankaranın Qahirə münasibətlərinə təzədən baxmasının şərtini açıqlayıb.

Musavat.com-un "Röyters"ə istinadən verdiyi xəbərə görə, Ərdoğan hesab edir ki, Misir hökuməti devrilmiş prezident Məhəmməd Mursini türmədən azad etməli və onun tərəfdarları haqqında çıxarılmış ölüm hökmünü ləğv etməlidir.

Xatırladaq ki, keçmiş müttəfiq dövlətlər arasında münasibətlər 2013-xü ildə Mursinin indiki dövlət başçısı Əbdül Fəttah əs-Sisinin başçılığı ilə ordu tərəfindən hakimiyyətdən devrilməsindən sonra pisləşib. Bunun ardınca Misir təhlükəsizlik qüvvələri Müsəlman Qardaşların tərəfdarlarına qarşı amansız təqiblər həyata keçirib, yüzlərlə insan öldürülüb, minlərlə insan isə həbsə salınıb, Mursi və islami hərəkatın liderləri məhkəmə qarşısına çıxarılıb.

"Mursi 52% səslə seçilmiş prezidentdir. Onlar onu azad etməlidirlər" – deyib Ərdoğan.