25 min sosail şəbəkə istifadəçisi Feysbuku məhkəməyə verib.

Axar.az xəbər verir ki, Avstriyada 25 min istifadəçi Feysbuk sosial şəbəkəsinə qarşı kollektiv iddia qaldıraraq onu istifadəçi informasiyasının məxfiliyi sahəsində Avropa qanunvericiliyini pozması ilə əlaqədar məhkəməyə verib. İşə Vyana Məhkəməsi tərəfindən baxılacaq.

Onlar Feysbukun onların fərdi məlumatlarını toplamasından və istifadə etməsindən şikayətçidirlər.

İddiaçılar bildirib ki, sosial şəbəkə istifadəçiləri başqa saytlarda Feysbukun "layk" düyməsindən istifadə edən zaman onları izləməklə qanunu pozur. Bu səbəbdən onlar şəbəkədən adambaşına 540 dollar məbləğində kompensasiya almaq niyyətindədir.

Əgər məhkəmə iddianı tam təmin etsə, Feysbuk şikayətçilərə 13,5 milyon dollar kompensasiya ödəyəcək.