Ana səhifə Planet |
Rusiyanın Birbaşa İnvestisiya Fondu (RDIF) və HimRar şirkətlər qrupunun ortaq şirkəti "Kromis" COVİD-19 müalicəsi üçün hazırlanmış "Avifavir" dərmanını 7 Latın Amerikası ölkəsinə və Cənubi Afrikaya göndərməyə razılıq verib.
Axar.az xəbər verir ki, bu barədə Sputnik məlumat yayıb. Məlumata görə, Argentina, Boliviya, Honduras, Paraqvay, El-Salvador, Uruqvay və Ekvadora 150 min “Avifavir” paketi göndəriləcək.
Bundan başqa dərmanların hazırlanması üçün Boliviyadakı tərəfdaş şirkətin lazımi texnologiya ilə təmin ediləcəyi bildirilib. Bu isə dərmanın gözləmə müddətinin, logistika xərclərinin və xəstələrin müalicəsinə sərf olunan vaxtın azalmasına səbəb olacaq.
Qeyd edək ki, “Avifavir" dərmanı dünyada koronavirusa qarşı hazırlanmış və klinik testlərdə effektivliyini sübut etmiş dərman vasitələrindən biridir.
Tarix
2020.08.03 / 18:47
|
Müəllif
Nərmin Əkbərli
|