19:42

Rusiyada koronavirusa qarşı hazırlanan ilk peyvənd on gün ərzində qeydiyyata alınacaq.

Axar.az xəbər verir ki, bu barədə məlumatı Rusiya İnvestisiya Fondunun prezidenti Kirill Dmitriyev deyib.

O bildirib ki, bununla bağlı bütün prosedurları Səhiyyə Nazirliyi nəzarətdə saxlayır:

"Artıq testin birinci və ikinci mərhələlərinin ilk nəticələrini əldə etdilər və nəticələrin çox yaxşı olduğunu görürlər. Yoxlama gözlənilən vaxtda başa çatsa, dünyada ilk qeydə alınmış COVİD-19 peyvəndi "Altium" və "P-Farm" dərman şirkətləri tərəfindən istehsal ediləcək".

Dmitriyev əlavə edib ki, Rusiyada koronavirus peyvəndinin istehsalı il sonuna qədər ayda 10 milyona çatdırılacaq.