İsrail istənilən hücuma dərhal cavab verəcək və bu prinsip ölkəmizə hücum edən hər kəsə şamil olunur.

Axar.az xəbər verir ki, bu sözləri İsrailin Baş naziri Benyamin Netanyahu parlamentdə çıxışı zamanı deyib.

Onun sözlərinə görə, ötən gün Qəzza zolağından atılan raketlərlə bağlı görülən cavab tədbirləri buna nümunədir.

“Kimliyindən asılı olmayaraq, bizə hücum edən hamıya zərbə endirəcəyik. Bu prinsip hamıya şamil olunur. Ötən gün Qəzza zolağından atılan raketlərə qarşı cavab tədbirləri görülüb. Məsələ ölkənin təhlükəsizliyidirsə, bir saniyə belə tərəddüd etmirik”, – Benyamin Netanyahu bildirib.