2750 ton ammonium nitratın 6 il ərzində düzgün qaydada saxlanılmaması səbəbindən bu partlayış baş verdi.

Axar.az xəbər verir ki, bu sözləri Livan Baş naziri Həsən Diyab deyib.

“Bu işə məsuliyyət daşıyan tapılmayana qədər mən rahat olmayacağam. Həmin şəxs tapılıb, məsuliyyətə cəlb edilib, ən ağır şəkildə cəzalandırılmalıdır. Ona görə ki, vətəndaşlarına həyatına təhlükə yaradan 2750 ton ammonium nitrat 6 il ərzində heç bir profilaktik tədbir görülmədən anbarda saxlanılıb”, - deyə Diyab bildirib.

Bundan əlavə, o, hadisənin səbəblərinin və bu olayda məsuliyyət daşıyanların müəyyənləşdirilməsi üçün komissiya formalaşdırılması ilə bağlı göstəriş verdiyini bildirib.