Rusiya Prezidenti Vladimir Putinə canlı yayınma sual vermək istəyən vətəndaşlar üçün yaradılan qaynar xəttə dəqiqədə 3 mindən çox zəng gəlir.

Axar.az xəbər verir ki, bu barədə Kreml sözçüsü Dmitri Peskov məlumat verib. Onun sözlərinə görə, bir dəqiqə ərzində qaynar xəttə 3315 zəng daxil olub. Ümumilikdə isə 280405 zəng daxil olub.

Kremlin məlumatına görə, bu vaxta kimi daxil olan ismarıcların sayı 58791-dir.

Xatırladaq ki, Putin 16 apreldə canlı yayımlanacaq "Direkt Hat" adlı proqramda ölkənin dörd bir tərəfindən ünvanlanacaq sualları cavablandıracaq.

Ötən il 3 saat 54 dəqiqə davam edən proqramda Putin 81 suala cavab vermişdi.