Rusiya Soçi 2014 Qış Olimpiya Oyunları üçün 324,9 milyard rubl (6,2 milyard dollar) xərcləyib.

Axar.az xəbər verir ki, şimal qonşumuzun gəliri isə təqribən 4 dəfə az, 85,4 milyard rubl (1,6 milyard dollar) olub.

Açıqlanan hesabatda bildirilib ki, gəlirlər gözləntilərdən 2,1 dəfə az olub. Soçi-2014 təşkilat komitəsi xərclənməyən 1,6 milyard rublu büdcəyə qaytarıb.

Xatırladaq ki, Rusiyanın Baş naziri Dmitri Medvedev daha öncə verdiyi açıqlamada Soçi bölgəsinin infrastrukturunun inkişafı da daxil olmaqla 50 milyard dollar xərclənəcəyini, bu rəqəmin 6 milyard dollarının birbaşa olimpiadalar üçün nəzərdə tutulduğunu demişdi.