"Rusiyanın hazırda yaranmış situasiyanı balanslaşdırması çox çətindir".

Axar.az "Kommersant" qəzetinə istinadən xəbər verir ki, bu açıqlama ilə Rusiya Xarici İşlər nazirin keçmiş müavini Andrey Feodorov çıxış edib.

O, Rusiyanın nə Türkiyəni, nə də Ermənistanı əlindən çıxarmaq istədiyini bildirib:

"Bir tərəfdən İrəvanla Rusiyanın ənənəvi əlaqələrinin olması və onun Avrasiya İttifaqına daxil edilməsi Moskva qarşısında ciddi öhdəliklər qoyur. Digər tərəfdən isə Türkiyə ilə enerji əməkdaşlığının gələcəyi üçün münasibətlərə çox şey yatırılıb. Putin üçün ən optimal variant Ermənistana səfər etməsidir. Lakin o bunu yalnız soyqırım adı altında etməməlidir".

Başqa bir politoloq Aleksey Malaşenko da Putinin ağır vəziyyətə düşdüyünü deyib:

"Putinin bu tədbirlərdə iştirak etməməsi onun İrəvana gəlişindən daha yaxşıdır. Moskva üçün ən optimal variant hər iki ölkəyə prezidentin komandasından bir nəfəri göndərmək olardı".