ABŞ Prezidenti Donald Tramp Cənubi Dakotanın Raşmor dağında ölkənin 4 keçmiş prezidentinin barelyeflərinin yanında özünün də həkk olunmasını arzulayır.

Axar.az xəbər verir ki, bu barədə "Nyu York Tayms" qəzeti məlumat yayıb.

Tramp Ağ Evdə Cənubi Dakota qubernatoru Kristi Noam ilə fərdi söhbət zamanı Corc Vaşinqton, Tomas Cefferson, Teodor Ruzvelt və Abraham Linkolnun heykəllərinin həkk olunduğu Raşmor dağının kənarına öz barelyefini əlavə etmək fikrini bölüşüb.

Qeyd edək ki, Raşmor dağı amerikalılar üçün bir növ vətənpərvərlik rəmzidir. 4 iyul ABŞ-ın Müstəqillik Günü ilə üst-üstə düşən bayram tədbirləri burada ənənəvi atəşfəşanlıqla başlayır.