Rusiya qoşunları Ukrayna sərhədindən keçərək Donetskə hərəkət edirlər.

Axar.az xəbər verir ki, bu barədə "Frankfurter Allgemeine Zeitung" qəzeti NATO mənbələrinə istinadən məlumat yayıb.

"Biz Rusiya hərbi qulluqçularının kadrların hazırlanmasında separatçılara dəstək olduğunu görürük. Rusiya Ukrayna sərhədi vasitəsi ilə qoşun və texnikalarını Donetskə toplayır", - NATO mənbəsi bildirir.

Qəzetin yaydığı məlumatda iddia edilir ki, Rusiya hərbçiləri, tankları, zirehli maşınları, artilleriyası və hava hücumundan müdafiə sistemlərini Ukraynanın şərqinə yerləşdirir. Həmçinin T-80 və T-90 tanklarının müasir modelləri Donetskə gətirilir.