Limanın cənub hissəsindəki buğda anbarları partlayışın təsiriylə böyük nisbətdə məhv olub. Amma əgər burada anbar olmasaydı, partlayış Beyrutda daha böyük dağıntılar törədərdi.

Axar.az Publika.az-a istinadla xəbər verir ki, bu sözləri Livan Ordusu Əməliyyat Palatası komandiri Can Nehra təşkil edilən mətbuat konfransında deyib.

Qeyd edək ki, Beyrut limanında 4 avqustda partlayıcı maddələrin olduğu 12 nömrəli anbarda əvvəl yanğın çıxıb, sonra bütün şəhəri sarsıdan güclü partlayış baş verib. Hadisə zamanı həyatını itirənlərin sayı 158, yaralılar isə 6 minə yüksəlib.