Seçildiyi ilk günlərdə cinsi azlıqları dəstəklədiyini elan edən Roma Papası Fransisk indi də erməniləri dəstəkləməyə qərar verib.

ANS-in məlumatına görə, o, qondarma erməni soyqırımının 100-cü ildönümü ilə əlaqədar keçiriləcək mərasimə qatılacaq.

Mərasimin Romada keçirilməsi planlaşdırılır. Mərasimdə eyni zamanda Ermənistan Prezidenti Serj Sərkisyan da iştirak edəcək.

Birinci Dünya müharibəsi zamanı Osmanlı imperiyası tərəfindən törədildiyi iddia edilən soyqırım Türkiyə hökuməti tərəfindən tanınmır. Rəsmi Ankara tarixin yenidən araşdırılması üçün ermənilərə arxivlərin açılmasını təklif etsə də, ermənilər təklifləri qəbul etmirlər.