Misir və Yunanıstan arasında imzalanın müqavilənin beynəlxalq dərəcədə etibarlılığı yoxdur.

Axar.az xəbər verir ki, bunu Yunanıstanın sabiq Xarici İşlər naziri Nikos Kotzias deyib.

“Baş nazir Kiryakos Miçotakis hökuməti yunan adaları üçün koordinantları, sərhəd nöqtələri olmayan beynəlxalq müqavilə imzaladı. Təkcə eksklüziv iqtisadi zonanın sərhədləri müəyyən edilib. Bundan əlavə, müqavilədə gələcəkdə baş verməsi ehtimal olunan hər hansı mübahisəni Haaqa Konvensiyasına həvalə etmək üçün müddəa yoxdur. Hökumət yunan adalarının beynəlxalq hüquq normalarından qaynaqlanan haqlarına zəmanət vermir. Hətta beynəlxalq hüququn texniki şərtlərini və tələblərini gizlədir!” - sabiq nazir bildirib.

N.Kotzias qeyd edib ki, bu müqavilədən türklər istifadə edəcək:

“Yunanıstan Xarici İşlər naziri Nikos Dendiasın özündən öyrəndim ki, nə imzalayacağını bilmədən Qahirəyə gedib. Deyəsən, nə imzaladığını başa düşməyib. Sual fərqlidir. Baş nazir Miçotakis Dendiasın nə edəcəyini bilirdi? Bilirdisə, bəs niyə ona demədi? Onda bütün hökumət sazişdən xəbərsiz idi?”