Hazırlanan hər hansı bir təhlükəsiz və effektiv peyvənd dünya ictimaiyyətinin xeyrinədir.

Axar.az xəbər verir ki, belə bir bəyanatla Ümumdünya Səhiyyə Təşkilatının texniki mütəxəssisləri çıxış ediblər.

“ÜST koronavirus peyvəndinin Rusiyanın dövlət reyestrində qeydiyyatdan keçməsindən xəbərdardır. ÜST COVİD-19 peyvəndi tədqiqatlarında və inkişafında bütün irəliləyişləri dəstəkləyir və alqışlayır. Ümümdünya Səhiyyə Təşkilatı olaraq bu peyvəndi sürətli, ədalətli və bərabər şəkildə bütün dünyanın əldə etməsinə şərait yaratmağa çağırırıq”, – təşkilatdan bildirilib.

Qeyd edək ki, bir müddət öncə ÜST nümayəndələri Moskva ilə Rusiya istehsalı olan peyvəndin beynəlxalq standartlara uyğunluğunu müəyyənləşdirmək imkanlarını müzakirə etdiklərini bildiriblər.