Vaşinqton ötən həftə Rusiyaya məxsus təyyarənin Baltik dənizi üzərində ABŞ təyyarəsinə təcavüz etməsi ilə Moskvaya nota verib.

Axar.az xəbər verir ki, bu barədə Pentaqon sözçüsü Mark Rayt məlumat verib. Onun sözlərinə görə, Rusiyanın SU-27 döyüş təyyarəsi 7 apreldə Baltik dənizi üzərində kəşfiyyat uçuşu reallaşdıran RC-135U tipli ABŞ təyyarəsinə toqquşacaq dərəcədə yaxınlaşaraq təhlükəli vəziyyət yaradıb:

"Havada qeyri-peşəkarlıq bütün təyyarə ekipajının həyatını təhlükə altına alıb. Bir pilotun diqqətsizliyi iki ölkə arasında vəziyyətin gərginləşməsinə səbəb ola bilər".

Xatırladaq ki, Rusiya ABŞ təyyarəsinin ölkənin hava fəzasına daxil olmağa cəhd etdiyini iddia edib.