Rusiya İsrailin Fələstin ərazilərinin ilhaqından imtina etməsi qərarını alqışlayır. Bu, sözsüz ki, situasiyanın normallaşmasına xidmət edəcək.

Axar.az xəbər verir ki, bunu Rusiya Federasiya Şurasının Beynəlxalq münasibətlər komitəsinin rəhbəri Vladimir Cabarov deyib.

“Rusiya əlbəttə ki, bu qərarı alqışlayır. Hətta anneksiya ləğv edilməyib, sadəcə müvəqqəti dayandırılsa belə, sözsüz ki, mövcud vəziyyətin normallaşmasına yardımçı olacaq”, - deyə Cabarov bildirib.

Rusiya rəsmisi həmçinin İsrail-BƏƏ razılaşmasını da alqışladığını əlavə edib.

Qeyd edək ki, İsrail Baş naziri Benyamin Netanyahu ilhaq planının Trampın xahişi ilə təxirə salındığını açıqlayıb.