11:07

Hökumətyönlü "Belaya Rus" ictimai təşkilatı Prezident Aleksandr Lukaşenkoya dəstək mitinqi keçirmək niyyətindədir.

Axar.az xəbər verir ki, Minskdə keçirilməsi nəzərədə tutulan mitinqdə Lukaşenkonun kursunu dəstəkləyən qüvvələr iştirak edəcək.

"Bazar günü saat 12:00-da paytaxtın Müstəqillik Meydanında, Hökumət Evinin yaxınlığında həmrəylik mitinqi keçiriləcək. Bu mitinq vətənini sevən, ölkənin iki əks qütbə bölünməsinə qarşı olanların hamısını bir araya gətirəcək”, - açıqlamada bildirilib.

***

Belarus Prezidenti Aleksandr Lukaşenkonun olduğu kortej mitinqin keçirildiyi yerə gəlib.

Bu barədə TASS məlumat yayıb.

***

Belarus Prezidenti Aleksandr Lukaşenko Minskdə keçirilən mitinqdə çıxış edib.

Lukaşenko çıxışında ölkənin bütün regionlarından olan tərəfdarlarına minnətdarlıq edib.

“Çox sağ olun, siz heç vaxt məni pis vəziyyətdə qoymamısınız”, - Prezident bildirib.