Türkiyə Kommunist Partiyası iyunun 7-də keçiriləcək seçkilər üçün verdiyi siyahıda yerlərin hamısını qadın namizədlərə ayırıb.

Axar.az OdaTV-yə istinadən xəbər verir ki, bu cəhd sol partiyalar arasında dünyada ilk dəfə qeydə alınıb. Siyahıda 550 qadın vəkil namizədi var.

Kommunist Partiyasının seçkilərlə bağlı verdiyi açıqlamada bu sözlər yer alıb:

"Namizəd siyahımızın hamısının qadınlardan ibarət olması, yalnız qadınların siyasi mübarizədə iştirakı ilə bağlı deyil. Bu, hər gün qadın öldürərək, qadını təhqir edərək özünün var olduğunu sübut etməyə çalışan nizama üsyanımızdır bizim. Hazırkı Türkiyəni ən yaxşı qadınlar təmsil edəcək. Kommunist Partiyası namizədləri geri fikirli rejimə qarşı dirənişin elə özüdür".