BMT Təhlükəsizlik Şurası Yəməndə husilərə qarşı silah embarqosu qərarı alıb.

Axar.az xəbər verir ki, Yəməndə husilərə qarşı aparılan əməliyyatda iştirak edən ölkələr tərəfindən hazırlanan qərar layihəsi İordaniya tərəfindən Təhlükəsizlik Şurasına təqdim edilib.

Şura ölkələrindən 14-ü bu qərar layihəsini dəstəkləyib, yalnız Rusiya bitərəf qalıb.

Layihədə husilərdən şərtsiz olaraq şiddətə son qoymaları, ələ keçirdikləri əraziləri tərk etmələri, ələ keçirdikləri hərbi sursatları təhvil vermələri, siyasi məhbusları və yeniyetmə əsgərləri dərhal sərbəst buraxmaları tələb edilir.