"Bizim üçün ən yaxşısı 100 il əvvəlin deyil, bugünkü Türkiyənin problemləri ilə maraqlanmağımızdır".

Axar.az xəbər verir ki, bu açıqlama ilə İtaliyanın Baş nazirinin yanında Avropa Birliyi İşləri ilə əlaqəli Dövlət katibi Sandro Gozi çıxış edib.

Onun sözlərinə görə, hökumətin "erməni soyqırımı" məsələsinə rəsmi mövqe nümayiş etdirməsinə gərək yoxdur:

"Bir hökumət "soyqırım" kəlməsini istifadə etməməlidir. Bizim üçün ən yaxşısı 100 il əvvəlin deyil, bugünkü Türkiyənin problemləri ilə maraqlanmağımızdır. Sandra Gozi olaraq mən "erməni soyqırımı"nı qəbul edirəm. Ancaq bu günə qədər heç bir hökumətimiz rəsmi mövqe ortaya qoymayıb".

Qeyd edək ki, Roma Papasının "erməni soyqırımı"nı qəbul edən çıxışından sonra İtaliya müxalifəti dərhal Türkiyəyə qarşı fəaliyyətə başlamışdı. Müxalifət hökumətin Türkiyəyə Papaya görə cavab verməli olduğunu tələb etmişdi. İtaliyanın Xarici İşlər naziri Paolo Gentiloni isə Türkiyənin Papanı tənqid etməyə haqqının çatmadığını bildirmişdi. İtaliya müxalifəti ilə bərabər Ermənistanın bu ölkədəki Baş konsulu da bütün italiyalılardan onlara kömək etməsini xahiş etmişdi.